劉浩龍享受單身做毒男

劉浩龍（師兄）日前亮相許文軒主持的TVB娛樂新聞台節目《StarTalk》，師兄相隔五年再出新歌《沒人坐的梳化》。他找來好兄弟側田幫忙寫歌︰「佢上次寫歌畀我，已經係十幾年前嘅《二等天使》，今次其實已經係三年幾前嘅事，當時喺佢屋企見到有個琴，大家一路傾偈，一路講番呢幾年嘅近況，佢就係咁作咗首歌！」他笑言曾與側田兩個男人去唱K︰「我哋喺一間可以坐100人嘅大房唱咗四個鐘！」

感情方面，師兄18年與容祖兒分手後單身至今，他未心急拍拖︰「疫情後我習慣咗獨處，可以一個人食飯同做運動，直頭享受！」他自言不愛出街，所以難識新朋友︰「我身邊朋友好似Eric Kwok（郭偉亮）咁，都同我講要好好享受單身，你可以想去邊就去邊，呢個世界淨係得Bob（林盛斌）成日叫人結婚。」