戴耀明在劇集《新四十二章》中飾演武功高強的施朗,不但首度挑戰武打戲份,亦是他第一次有認真的感情綫。入行30年,戴耀明經歷過不少「第一次」,去年尾更首次入圍台慶頒獎禮「最佳男配角」,讓年邁媽媽驚覺兒子演員之路可走得更遠,亦是他繼續前進的推動力。
《新四十二章》中的施朗不但武功高強,而且對Zoie(鄺潔楹飾)一往情深。戴耀明坦言角色為他帶來不少的第一次,包括連場武打戲和感情戲,他說︰「以前拍過武打戲,不過係被人打一嘢就死。今次係入行30年來武打戲最多嘅劇集,事前不斷練打,加上我人瘦易撞傷,前臂位置腫起好似斷骨咁,所以我咪以為自己患骨癌,好彩檢查後無事!練習過程當然辛苦,但我好享受,而且今次仲有感情綫,我以前從來無試過同靚女藝人有感情綫!」
主動加戲扮鹹濕佬獲賞識
提到入行經過,戴耀明坦言中學時無心向學,在媽媽建議下投考亞視藝員訓練班,畢業後大多演警察。何解突然走「鹹濕佬」路綫?他笑言︰「一開始大家唔認為我有呢種潛質,副導亦多數安排我扮看更或劫匪。後來我主動加少少戲,明明係打劫師奶,硬要加少少色迷迷嘅感覺,唔經唔覺就入晒編導個腦入面;久而久之,大家諗到市井或者好色之徒,就諗起我。」雖然角色被定型,但他堅持每次演繹類似角色,都有不同程度的分別,演繹不一樣的版本。觀眾對戴耀明獨特的卡通臉印象深刻,他跟一拳超人、小丸子爺爺和《芝麻街》中Bert尤其相似,光頭的他搞笑說:「我有頭髮嘅時候有劉海,嗰時(顏值)係最接近黎明呀!」
縱使多年來總是演小人物,從未站上男主角的位置,但戴耀明從沒想過放棄,去年終於首獲提名「最佳男配角」。「拍戲同辦公室打工仔唔同,唔係每日都做重複嘅事,分分鐘一年可以演十幾種職業。上年係我人生中值得紀念嘅一年,《青春不要臉》喺上年一月播,我以為觀眾一早唔記得『李天光』呢個角色,但竟然有提名?我真係非常開心興奮。坦白講,每年頒獎禮,基本上男一、女一都一定入圍,但配角未必每年一樣。有時配角獲提名一次之後,可能十年、八年後都未必有第二次。」
年邁母擔心兒子無人照顧
頒獎禮前夕,戴媽媽為戴耀明落力拉票,他坦言以前媽媽總是當他是一名普通打工仔,「有時我打扮下,阿媽都話我着咁靚做乜。大佬呀,我話晒都係演員,打扮一下好正常啫!直至獲提名,佢先知我可以再行前一步。」他相信公司每位演員都恨得獎,才會有前進的心態,而不是單純「應付」工作,「結果我無獎,坦白講難免有少少失望,唔緊要啦,老套啲講句,失敗乃下次成功嘅關鍵,相信將來演得更好。」
獎項方面再接再厲,感情方面,戴耀明已滿足媽媽心願,決定與女友情訂終生。他說:「我媽媽83歲,佢成日怕突然喺睡夢中走,所以希望我盡快搵個伴,驚我老咗無人照顧。未婚妻同我相識十幾年,關係好似屋企人一樣,我哋無好似拍戲咁,喺好多朋友見證之下求婚,大家已經係老夫老妻,所以無安排到呢場戲。」他坦言人生如戲,年邁媽媽離開的「這幕戲」,他早有心理準備,「怕就一定怕,但明白呢個係人生過程,演員咩場景都拍過,媽媽突然離開呢場『戲』,早已印喺我腦海,差在唔知邊個場景發生。最重要係活好每一天,有生之年希望得獎,作為一個紀念。」
【一按睇片】
撰文:楊安莉
攝影:陳健珊、何家賢
美術:梁政敏
-
-
Panasonic ziaino®次亜塩素酸空間除菌脫臭機 開放式廚房及毛孩家庭必備 |
|
-
-
郭晉安毫無預警宣布與歐倩怡離婚 相距16歲婚姻曾陷冷戰:無奈又艱難 |
|
-
楊證樺帶囝囝參與天后誕巡遊 無懼冒雨舞龍珠:兩兄弟好享受 |
|
-
英國研究|全球逾四分之一成人運動量不足 研究揭每日做1簡單運動死亡風險可降24% |
|
-
保單逆按自製長糧 | 充裕退休儲備 + 保障家人GET!(附個案說明) |
|
-
-
-
胸悶、頭脹、手腳麻痺?黃祥興不靠藥物 1個月拆走血管炸彈 重拾醒神健康 |
|
-
私密處痕癢、灼痛、異味來襲 Grace教路:每日1粒解決「私密」問題 |
|
-
-
唔止面黃 生痘痘 長期攰都可能肝損傷 黃祥興逆轉肝機能 慶幸及早護肝 |
|
-
您也可能喜歡...
-
昔日師奶殺手合體開騷 陶大宇孖吳啟華張兆輝「倒轉地球」
|
-
主持《歐洲鐵騎遊》憶辛酸史 袁偉豪拍《鐵探》瘦到皮包骨
|
入行30年首獲提名對媽媽有交代 戴耀明渴望攞獎紀念人生 - 晴報 - 娛樂 - 人物 - D230224
入行30年首獲提名對媽媽有交代 戴耀明渴望攞獎紀念人生 - 晴報 - 娛樂 - 人物
戴耀明在劇集《新四十二章》中飾演武功高強的施朗,不但首度挑戰武打戲份,亦是他第一次有認真的感情綫。入行30年,戴耀明經歷過不少「第一次」,去年尾更首次入圍台慶頒獎禮「最佳男配角」,讓年邁媽媽驚覺兒子演
https%3A%2F%2Fskypost.hk%2Farticle%2F3468632%2F%E5%85%A5%E8%A1%8C30%E5%B9%B4%E9%A6%96%E7%8D%B2%E6%8F%90%E5%90%8D%E5%B0%8D%E5%AA%BD%E5%AA%BD%E6%9C%89%E4%BA%A4%E4%BB%A3%20%E6%88%B4%E8%80%80%E6%98%8E%E6%B8%B4%E6%9C%9B%E6%94%9E%E7%8D%8E%E7%B4%80%E5%BF%B5%E4%BA%BA%E7%94%9F
https://skypost.hk/article/3468632/入行30年首獲提名對媽媽有交代-戴耀明渴望攞獎紀念人生
https://resource01-proxy.ulifestyle.com.hk/res/v3/image/content/3465000/3468632/D034_01_a_20230224_L.jpg
https://resource01-proxy.ulifestyle.com.hk/res/v3/image/content/3465000/3468632/
娛樂
人物
007
3468632
503
503011002
娛樂 人物
演員,TVB,頒獎禮,鄺潔楹,新四十二章,青春不要臉,戴耀明,一拳超人
娛樂,娛樂人物職業,演員,實體詞,品牌,TVB,娛樂,活動及節目,頒獎禮,實體詞,人物,鄺潔楹,實體詞,電視/電影/電台節目名,新四十二章,實體詞,電視/電影/電台節目名,青春不要臉,實體詞,人物,戴耀明,實體詞,卡通動漫,一拳超人
戴耀明 媽媽 演員 人生 頒獎禮 劇集 角色 配角 兒子 位置 觀眾 呢場 紀念 感情綫 武打戲 光頭 過程 台慶 施朗 芝麻街 武功 爺爺 經過 中學 打工仔 尾更 場景 潛質 副導 劫匪
2023-02-24
入行30年首獲提名對媽媽有交代-戴耀明渴望攞獎紀念人生