黃凱芹3月九展開騷似擺酒

去年九月在紅館開騷的黃凱芹（Chris），將於下月18及19日假九展Star Hall舉行《聽•黃凱芹2023》演唱會。Chris昨日出席演唱會記招，開心得狂派心心，又即場製作心形朱古力。他表示去年開完個唱後，即入紙申請紅館檔期開part 2，但一直未有檔期，便決定移師九展舉行。他笑說︰「今次開騷好似擺酒咁，觀眾到時早啲入場，因為我會安排樂手演奏暖場。聽講九展場地出年就拆，拆之前喺度開騷，好有紀念價值。」

Chris透露下月個唱有全新rundown及搭四面台外，又會搭建一條長70呎的catwalk舞台。清減一點的他說︰「我連雪糕都戒埋，又戒咗澱粉質，其實都要keep fit嘅，希望保持最佳狀態。我做完騷會返加拿大，四月會喺溫哥華同多倫多演出。」

採訪、攝影︰Pauline