劉德華盼帶愛女睇《流浪地球2》

劉德華參演的科幻片《流浪地球2》昨晚舉行首映禮，吸引半百傳媒到場採訪，以及逾百粉絲到現場支持，場面墟冚。提到該片內地票房達35億，華仔亦希望香港票房取得佳績，他認為這次拍攝科幻片，是一個難得的經驗，「近年有《流浪地球》同《明日戰記》，睇到大家都有進步，我哋都仲係學習階段。（會否拍《流浪地球3》？）未知，我都係等安排，嚟緊都有套《天梯》都係科幻片。」

華仔直認拍了40年戲，拍攝《流浪地球2》感覺新鮮︰「我場場戲都仲記得，今次演科學家好難，好多專有名詞要記。（可會陪女兒欣賞？）唔知，睇佢鍾唔鍾意，如果鍾意就安排下。」對於昨日公布的金像獎名單，華仔笑言︰「有好朋友又有新演員，不過要消化下啲戲先再同大家講。（鄭秀文都爭影后？）我未睇佢套戲，不過愈熟我就愈支持，我係偏心嘅。」

採訪︰Pat

攝影︰林良明