陳柏宇開騷無拉褲鏈零尷尬

陳柏宇（Jason）前晚於亞洲博覽館舉行《陳柏宇feat.九龍搖擺俱樂部演唱會2023》，全場座無虛席，唱出多首大熱歌曲，包括曾在「THE FIRST TAKE」演繹的大熱作品《你瞞我瞞》及《有天》。期間獲觀眾大讚靚仔，Jason聞言笑說︰「靚仔就基本啦，仲要有型，不過上天公平嘅，我矮囉！」

Jason在encore時老貓燒鬚，上到台後被發現無拉褲鏈，全場爆笑，他即解釋︰「拉咗，未拉盡啫！」完騷受訪時，Jason表示︰「幫手換衫嘅人好自責，我叫佢唔好咁諗，其實我作為成年人都成日唔記得拉褲鏈。（台上自嘲身形矮小？）我鍾意呢個高度，相信個女遺傳咗，最重要係可愛，靚唔靚就見仁見智。」他又透露太太符曉薇現時腹大便便，預產期將在下月尾，因此前晚未有捧場。