丁子高偕妻新年行大運被讚孝順？ 楊千嬅淡妝出巡紅磚地「海市蜃樓」

現年48歲嘅楊千嬅同細佢5年嘅丁子高2009年結婚，而佢哋嘅囝囝丁進諾（Torres）唔經唔覺都已經10歲喇！日前一家喺社交平台同大家拜年，丁子高更撇甩囝囝同老婆出去「跑大運」。平時千嬅都好少更新社交平台，所以呢張相引起大家熱烈討論。

同場加映： 愛回家丨張景淳呂慧儀初三赤口愛鬥嘴 感激龔水黨睇得投入 期待龔丸出世

{{hket:ul-video id="7470"}}{{/hket:ul-video}}

踏入兔年，丁子高喺社交平台上載一家三口着上唐裝影嘅全家福，相中嘅Torres冇晒baby face，由細到大，Torres嘅單眼皮同鼻形都超似爸爸，不過有網民就話Torres越大越似丁太，大讚佢靚仔！丁子高留言：「大家🐰年萬事大吉，身體健康！恭喜恭喜！」唔少人都叫佢多啲更新社交平台，想睇多啲佢一家嘅近況咁話。

{{hket:inline-image name="326752079_133851982914407_5552487131234411626_n.jpg"}}{{/hket:inline-image}}

丁生都好順應民意，初三佢就上載咗同老婆出去跑步嘅相。雖然二人結咗婚快將14年，不過都撇甩囝囝，恩愛享受二人世界。丁子高喺相中睇落非常young，一啲都唔似40有3，而千嬅都好少有咁以淡妝示人，的確係勇氣可嘉！

不過唔少網民就唔多buy佢心口掛住個勇字，仲話丁子高「孝順」，留言：「個仔真孝順，陪個老母晨運。」更有人指千嬅疑似p圖，搞到後面紅磚地好似「海市蜃樓」咁：「塊面附近啲磚都歪埋。」、「啲磗S型嘅？」、「塊面P到勁尖。」

撰文：娛樂組