怪事常出現丨丁子高遇「救護人員」500蚊求襪 洪永城方力申留言稱試過一模一樣

丁子高近日撇低老婆楊千嬅，由長沙返港處理公事，沒想到回港不久就遇到奇事，他特別在IG訴說事件經過，不少網友大讚是好人好事；沒料到這件奇事常常出現，洪永城、方力申和JW王灝兒都分別遇過、或耳聞相同情況，看來事件中的「怪客」並不是想像中如此簡單！

同場加映：人間飄浮丨黃劍文一步之念 險隨母親做傻事 學懂珍惜：愛真係要講出口

{{hket:ul-video id="5897"}}{{/hket:ul-video}}

聲生不息丨楊千嬅家庭為首放棄爭名逐利 笑對網友嘲老：年紀大係事實【下一頁】

{{hket:inline-image name="271110460_617134156252911_303750187881807003_n.jpg"}}{{/hket:inline-image}}

{{hket:inline-image name="286123448_5167596860027400_2037750144357202944_n.jpg"}}{{/hket:inline-image}}

丁子高在IG分享白襪卡通圖案，留言提到自己遇到怪事的經過，「頭先喺灣仔某某酒店去完洗手間出返嚟之際，有位滿頭白髮嘅中年男士（目測應該有50幾歲）走過來問我可唔可以比（畀）對襪佢，我當時覺得好奇怪無啦啦做咩問我攞對襪？然後佢同我講佢係救護隊人員，需要完整嘅制服先可以返工，佢話完整制服係唔可以着黑色襪，而佢正正着住對黑色嘅襪，但係佢又要急住上白車開工，所以問我可唔可以比（畀）對襪佢，我見佢個樣好焦急，咁啱我又着住一對UNIQLO嘅淺啡色運動襪。」

就在丁子高多番考慮時，對方竟然出高價$500買起他的一對「二手襪」，他續言：「當我喺度考慮緊嘅時候，佢喺佢銀包攞咗張證件出嚟證明佢係救護人員兼且攞多張500蚊出嚟，同我講不如賣畀佢好冇？佢話因為佢真係好趕時間，講到咁......我就當場除對襪畀佢（反正之後我都係返屋企），然後我就同佢講快啲上車開工啦！講完轉身就走，跟住佢就好唔好意思咁追住我，同我講500蚊真係唔要？我答佢你快啲開工啦，救人要緊！之後我就返屋企喇......啱啱沖完涼坐喺度諗諗吓都係覺得怪怪地（哋），你地（哋）覺得點？ #怪事常常有 #其實究竟係點㗎 #有冇人遇過 #可唔可以分享吓」。

【千言．慢煮】楊千嬅爆丁子高呷囝囝醋 谷祖琳拒做怪獸家長教女靠Siri【下一頁】

丁子高遇上的奇怪事引起不少網友關注，有人認為是好人好事不需要想太多，亦有人認為這個理由不太合情理，救護人員救人程序不會因為制服問題而受阻延。更奇怪的是不少圈中好友都紛紛留言，丁子高遇上怪客一事，原來方力申、洪永城及王灝兒的男友人都遇過一模一樣的情況，洪永城說：「一模一樣，襪、地點、原因、金錢……好難想像嗰個人屋企有幾多對襪。」

{{hket:inline-image name="52706572_2309592212610720_1216871418918575733_n.jpg"}}{{/hket:inline-image}}

除了幾位圈中人之外，暫時未見有其他網友遇到同樣情況，莫非該人專門搜尋名人或藝人的「二手襪」？網友們聽畢大感奇怪，提出不少質疑，「如果佢係呃女人絲襪我明白呀……呃對男人白襪黎做咩」、「奇怪啊！咁你明知自己要着白襪返工咁點會着對黑襪啫？仲要人哋着住嗰對添……戀襪狂」等等。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉