為1歲囡囡未來鋪路 洪永城特訓女兒做運動員

洪永城（Tony）前年雙喜臨門，跟模特兒兼跑手女友梁諾妍結婚，同年誕下女兒Amber，加上愛犬一家四口樂也融融。有了家庭，他又開始建立新的事業，最近與太太建立自家品牌的護膚品生意，向商界發展。Tony滿意現時的生活進度，並大談未來的理想人生版圖。

現年39歲的洪永城，05年入行，曾分別在有線和Now TV主持節目，又做過公關；12年由當時的高層余詠珊引薦加入無綫，身兼演員及主持。最近他開始營商，與太太梁諾妍開創了護膚品牌，要兼顧很多事情，Tony惟有放棄me time，「就算瞓少幾個鐘、無得打機，都要好好經營家庭、同老婆相處仲有陪阿女玩。如果唔係，阿女大個唔認我，老咗無人照顧我。」他不諱言一切以家庭為先。

女兒Amber雖然只有一歲多，但Tony已經為她計劃讀書的事情。他又讚女兒學習能力高又反應快，他跟太太對女兒寄望甚殷。Tony笑言︰「我見阿女好快識行，好奇妙，佢對腳好粗，好有潛質做金牌選手，我曾經建議送佢去內地特訓練舉重，不過屋企人唔想佢做舉重運動員，所以否決咗。老婆都想阿女做運動員，想佢打網球，應該會朝住運動方向發展，佢遺傳到媽咪基因，希望可以喺體育上有成就。」

望Amber𢭃利市幫補

Tony在農曆新年會跟家人留港度歲，為帶女兒拜年而做足準備，他笑言半年前已教她做「恭喜」手勢，「呢半年嚟晚晚教佢一個動作，呢個農曆年就靠晒佢喇！」過年後，Tony即飛去南美洲拍攝旅遊節目。在Amber初生時，他曾北上開工多月，當回家時女兒一見他便嚎哭，Tony表示有信心不會再發生，還笑稱為節目改名為《拋妻棄女去旅行》。

踏入「四十而不惑」之時，Tony仍有不少目標，除了希望在演藝事業遇到好劇本、好角色外，前年他首度監製劇集《凶宅清潔師》，未來他希望多創作一些天馬行空的題材。而他和太太創立的護膚品生意剛起步，作為老闆事事都親力親為，更要從頭學起，「喺做生意過程中，遇見太多人優秀過我嘅人，但溝通同人脈上，我會比較有少少優勢，如果遇到一啲合適嘅品牌或夥伴，可以考慮合作。」Tony滿腹大計，向美滿人生進發。

【一按睇片】

撰文︰王連連

攝影︰陳健珊、王華婷

美術︰梁政敏