3月率《黃金萬両》演員登台 薛家燕自組「WhitePink」吸金

薛家燕、朱智賢、麥美恩、黃子恆及馬貫東等，昨日到大埔林村許願樹宣傳賀歲劇《黃金萬両》，齊齊拋寶牒祈福。家燕姐在寶牒寫上「家有喜事」，問到是否想再抱孫？她笑說︰「有好多意思，我仲有兩個女未嫁，不過我喺工作上有新發展，馬來西亞好多大企業想同我哋合作。」她自爆今年初已接下十多個商演，三月又率領《黃》劇演員到大馬登台，她搞笑指屆時可自組「WhitePink」演出，「之前《Captain Nancy》好受歡迎，今年想再推出一首新歌。」

同場的朱智賢飾演家燕姐的新抱，她自爆與劇中老公黃子恆有床上戲，「我仲會着肚兜，不過仲有衫嘅；黃子恆都要裸露上半身，不過場戲講佢針灸。」拍劇時正值炎夏，身穿幾層戲服的她亦差點中暑，「我哋啲戲服濕晒，放午飯時我哋要除戲服掛起，再用抽濕機抽乾，埋位再着番。」

採訪︰Pauline

攝影︰林良明