馮素波扮盧瀚霆減社會怨氣

馮素波（波姐）與顧定軒（Zeno）昨日拍攝港台節目《社企係咁Run》，快將80歲的波姐因拍攝而接觸生死教育及殯儀服務社企工作，令她體會甚深，「好多事情都未試過，例如我以為撒灰係向天撒，原來係撒落紀念花園。」談到工作，波姐表示無退休念頭，又搞笑自嘲：「我四月會參與粵劇團演出做『老旦』，五月會開《峰波情未了》演唱會part 2。」

提到波姐扮MIRROR成員盧瀚霆（Anson Lo）維肖維妙，問她開騷時會否再扮對方？她笑說：「呢幾年社會怨氣重，我扮嚟大家開心下，不過開騷未必扮嘞，唔想無咗自己風格，而且開騷係為爸爸而做。」而Zeno表示拍攝撒灰場面時，特地換上嚴肅衣着，「點知去到現場，見到波姐着得好sharp，原來嚴肅嘅事情可以用唔同角度去面對，唔係一面倒。」

攝影︰林良明