首日開工始知要裸露 洪嘉豪︰簽咗約，頂硬上

張敬軒、魏浚笙（Jeffrey）和白只在賀歲片《超神經械劫案下》中有一幕田野裸跑戲，令粉絲十分期待，原來洪嘉豪也有大膽演出，軒仔更曾以「華納湯唯」來形容嘉豪。昨晚嘉豪和Jeffrey出席首映禮後一起受訪，嘉豪自爆首日開工才獲告知有裸露戲。

嘉豪表示︰「開工第一日，副導演先同我講話要除褲，我當時都打咗個突，因為簽咗約唔可以推，惟有頂硬上，希望套戲上咗之後，有人識欣賞啦。」他又強調並不是全裸上陣，並且當時穿了兩條打底褲以防走光，又指畫面會打格處理。另外，提到軒仔預告若票房好會以「行動」回饋觀眾，Jeffrey即笑指︰「如果有兩億票房做乜都得。（你會做乜？）跑勻全港，但係着晒衫褲嘅，總之軒公做乜，我哋睇佢頭。」