恨湊成「好」字 陳山聰望老婆生兔B

台慶頒獎禮圓滿結束，陳山聰憑劇集《金宵大廈2》首封視帝，而他有份演出的《超能使者》亦大豐收，《超》劇一眾演員前晚舉行慶功宴，山聰揚言想「以獎換獎」，希望太太為他生兔B。

陳展鵬、陳山聰和劉佩玥（Moon）等前晚出席《超能使者》慶功宴。山聰憑《金宵大廈2》奪視帝，他坦言興奮了一晚，但很快便調整心情繼續開工，「畀自己開心咗一晚，之後心情已經平復，應該要放低呢種開心，做好眼前工作，太太讚我態度正確、成熟咗。」山聰興奮透露兒子Jaco在電視機前看他上台領獎，更豎起手指公讚爸爸叻，山聰坦言現時最寶貴是擁有幸福家庭，得獎是錦上添花。山聰坦言恨追個女兒︰「最希望湊成『好』字，（老婆答應再生BB？）攞到呢個獎，老婆應該無藉口拒絕我啩，我想用呢個獎（視帝）換另一個『獎』，希望兔年有好消息公布。」

劉佩玥感恩陳展鵬幫忙

展鵬和Moon分別奪得「馬來西亞最喜愛TVB男、女主角」，Moon感性表示感恩遇上好對手展鵬，「佢係其中一個好細心咁去幫我嘅人，我好多謝佢。」展鵬隨即笑她已大個女，可在劇中飾演他太太，Moon指這是前世修來的福份，展鵬即打趣表示︰「可能前世欠咗你嘅。」相當搞笑。對於單文柔笑展鵬在現實中演技一般，展鵬甜笑謂︰「佢成日都係咁。」Moon即搶說︰「即係佢喺老婆面前唔會做戲囉，係真心真意。」問到會否像山聰一樣想追多個？展鵬則表示隨緣。

採訪︰Pauline

美術︰梁政敏