100磅雲浩影嗌減肥 鄭欣宜自嘲上圍大縮水

鄭欣宜和雲浩影（Cloud）昨日出席米線活動，兩人異口同聲表示喜歡吃米線，但體重只有約100磅的Cloud嚷着要減肥。而近年刻意減肥的欣宜，她指身形消瘦不少，連上圍也縮水，更自嘲平到似iPad。

鄭欣宜和雲浩影昨日現身旺角鬧市出席活動，吸引不少途人圍觀。體重只有100磅的Cloud，指為了保持體態，食米線會選擇菜底，又揚言希望減至90多磅。欣宜聞言後表示︰「呢兩年我反而着重健康，上年開完騷，大家都想睇我跳舞，咁我要保持好好狀態先至可以跳多啲舞。我屬兔今年36歲啦，唔可以再扮後生，所以要努力保持健康同身形。」欣宜又指農曆新年將至，要戒口不能盡情食，但因為太喜歡食蘿蔔糕，會食幾件滿足味蕾。

穿黃色內衣旺夫

另外，提到三月的紅館演唱會，欣宜指會不惜工本做到最好，問到是否挑戰性感極限？她笑稱︰「我呢套衫性唔性感？呢排都係玩iPad造型，時尚啲。（減肥致上圍縮水？）一定係，不過我又無乜所謂，唔同身形有唔同嘅靚。（男友有無所謂？）我所有朋友都無乜所謂，佢哋鍾意我嘅內涵。」她坦言因為上圍縮水，所以要換過全部胸圍，「新年順便買新嘅囉，聽講着黃色內衣旺夫。（恨嫁？）我想旺自己同身邊嘅人。」

攝影︰林良明

美術︰梁政敏

採訪︰倪小珊