蘇皓兒負傷冒雨踩單車嗌辛苦

宅男女神蘇皓兒（Chloe）早前與陳安立到日本拍攝ViuTV綜藝節目《單車踩爆日本》，二人踩單車游走鳥取、和歌山等地。首次拍綜藝節目的Chloe在拍攝過程中遇到不少困難，除了體能考驗外，亦要犧牲色相，皆因連日要在陽光暴曬下踩單車，令白滑肌膚變黑，膊頭更曬到出雀斑。

Chloe此行初嘗單車自駕遊滋味︰「頭兩日對我嚟講有啲困難，第一次喺公路、山路度踩，好考驗體力同膽量，有時啲大貨車喺身邊經過好刺激。」她最難忘冒雨踩單車︰「落雨當日要踩單車落斜，係行程中最大挑戰，當時又凍又濕，啲雨打埋身幾乎睜唔開眼，好辛苦，都有少少受傷。好彩之後雨過天晴，仲見到好靚嘅風景。」