自爆創業被搵笨 林芊妤︰以後帶眼識人

林芊妤（Coffee）昨日錄影HOY TV節目《有種老闆娘2》，一手創立瑜伽服裝品牌的她，自爆創業期間屢遭拍檔搵笨，以致損失慘重，幸得老公任其幕後軍師，才令她學懂精明。

林芊妤受訪時不敢自認是好老闆，但自問對員工像朋友般。不過由於性格問題，Coffee自爆創業初經常被佔便宜，她說︰「開網店初期，有朋友介紹咗一個中間人幫手設立網上購物平台，點知開業後個網站好多問題，有客戶投訴畀多咗14次錢，我用咗好多時間去處理。」她後來才獲知該名中間人獨吞九成，令Coffee更加氣憤難平，「唔會再當佢係朋友，係我信錯人，被人搵笨。」

吸金力強不花老公錢

由於網站設立兩年後不停出現問題，Coffee前後投資近30萬，最後忍痛改去另一個平台重新開始，「當買咗個教訓，以後要帶眼識人，以後會小心，同埋會更加聽我老公話。（慶幸有老公幫忙？）佢做金融，頭腦比較清晰，依家有朋友問我借錢，我都會先問老公意見。」身為成功的女強人，Coffee指結婚後跟老公財政獨立，大爆老公沒有給家用，但有給她附屬卡，「佢開張卡畀我買屋企嘢，不過我好似用咗五次左右。」她解釋有能力賺錢，不好意思用老公的錢。被問到賺錢能力是否比老公強？Coffee維護老公：「唔可以咁計嘅，我呢兩年搵得多錢，唔代表日後都搵到，所以我好知慳識儉，唔會買名牌包包。」Coffee透露現時有一層樓給予家人居住，未來想置業自住，所以要好好計劃將來。

採訪、攝影︰倪小珊

美術：梁政敏