衛蘭孖鍾舒漫姐妹報佳音 許廷鏗跳唱有壓力

衛蘭（Janice）、鍾舒漫（Sherman）、鍾舒祺（Sukie）及許廷鏗（Alfred）前晚出席《埋班作樂II》作品展，雖然距離聖誕節還有個多星期，但身為虔誠基督徒的Sherman和Sukie已開始報佳音。Sherman稱︰「我哋兩個同王君馨一齊去佈道會，本來以為Janice有嘢做嚟唔到，點知佢突然出現一齊報佳音，好開心。」Janice亦透露聖誕期間會為家人親自下廚，加上約了多個聖誕聚會，所以上星期已開始積極健身「打底」，屆時便可大吃特吃。

同場的Alfred將於月底自資在九展舉行兩場《in the round》演唱會，對於近日防疫措施逐步放寬，他十分高興，期待屆時可座無虛席。他又笑言沒有為演唱會刻意減肥，但正努力排舞，「啲粉絲覺得我喺新歌《假面具》MV嘅舞姿好型，佢哋好期待我到時會點跳，其實跳成首都有壓力，希望唔好令粉絲失望。」

攝影︰林良明