《過時•過節》票房破千萬 呂爵安與尿兜自拍騷麒麟臂

由MIRROR成員呂爵安（Edan）主演的電影《過時•過節》衝破1,000萬元票房，Edan為回饋觀眾支持，前晚在IG貼廁所自拍「找數」。相中，Edan以戲中主角「阿陽」的學生look上陣，大曬結實手臂，但他竟在尿兜旁自拍，搞笑又騎呢。他留言：「首先，唔好問我點解啊陽要喺廁所同個尿兜影相，我唔知，不過啲學生哥心智未成熟係會做傻事嘅。第二，大家肯定會好好奇，點解啊陽中學就手瓜起𦟌，以我所知，啊陽中學唔止係乒乓波校隊，仲係游泳隊，不過輸咗好多年。」

Edan笑言相中一身肌肉已消失，又說：「喺廁所自拍巧MK囉，啊陽也不例外。」身為Edan「正印」的阮小儀，垂涎對方的粗壯手臂，並留言：「想試下被你呢隻手瓜夾下。」Edan即回覆：「收錢。」小儀再回應：「no problem（無問題）！但有無discount（折扣）？」認真搞笑。