屈臣氏健康美麗大賞2022 表揚傑出健與美品牌

黛安聽公關姊妹講，屈臣氏噚日喺香港麗思卡爾頓酒店舉行年度盛會「屈臣氏健康美麗大賞2022」，表揚各大傑出健與美品牌，並慶祝屈臣氏連續第13年成為「亞洲第一個人護理店/藥房品牌」，認真可喜可賀！

姊妹話，屈臣氏近年拓展O+O保健業務，加强「屈臣醫健氏」健康諮詢服務，6月仲推出咗「屈臣氏eDr」視像醫生服務，透過手機就可與中西醫進行視像會診，完成睇醫生、送藥和攞醫生轉介信或證明。另外，屈臣氏又同ModiFace開發「Skinfie Lab智美肌」，利用AI分析皮膚，幫顧客挑選最適合嘅美肌護膚品。

屈臣氏嘅綫上綫下服務愈趨成熟，除咗可以喺屈臣氏門店購物、取貨，亦可選擇順豐取貨點或直接送貨上門，網店「特快送」服務，最快30分鐘可以送到家中，真係好貼心。