舒淇馮德倫拍拖睇騷 鄭伊健尾場感動落淚

鄭伊健一連九場紅館演唱會前晚圓滿結束，尾場吸引《古惑仔》導演劉偉強、舒淇和錢嘉樂攜眷捧場，舒淇激罕與老公馮德倫同框，引來全場哄動。前晚個唱結束後，觀眾仍不肯離場，伊健再次上台並感觸剖白，他有感近年大家都不快樂，令他非常難過，此時他感觸流下男兒淚，轉身拭淚後續說︰「我可以做咩？我係一個藝人，一係做戲一係唱歌，既然陳光榮嘅作品可以打動大家，咁我哋就開演唱會。我希望完騷後大家會覺得，戴住嘅口罩只係外殼，只要裏面無改變就得，人與人之間係需要溝通。」然後唱出《可樂》為個唱畫上完美句號。

舒淇前晚如小粉絲般不停揮動熒光棒，她留言︰「滿滿回憶，首首經典。」馮德倫上載夫妻合照時，竟裁走身旁的劉偉強，他搞笑留言︰「Swipe to see my Director's Cut.（滑動看我的導演版本）。」