粵語片女星嘉玲病逝 享年87歲

粵語片女星嘉玲前日於泰國家中在睡夢中離世，享年87歲。嘉玲是謝賢的舊愛，她自從於60年代息影後，與泰國華僑姚武麟結婚，自此隨丈夫移居曼谷，二人育有二女一子。

嘉玲契女郭秀雲前日早上接獲噩耗非常難過，她透露契媽是因慢性阻塞性肺疾病離世，並表示︰「我哋最後一次見面係2019年，我同契爺、契媽都係12月生日，專程飛去泰國一齊慶祝，嗰時契媽覺得自己唔似以前咁靈活，已經好少出街，最可惜呢幾年因為疫情去唔到探佢哋。我原本計劃下個月去泰國，諗唔到契媽走先一步，而契姐（嘉玲大女）亦於上年去世，所以好難過。」