首當男一預告曬肌 朱敏瀚演AI機械人

朱敏瀚（朱仔）和王敏奕（Venus）等昨日為新劇《虛擬情人》試造型。入行12年首度擔正的朱仔，在劇中飾演AI機械人，他坦言角色極具挑戰性︰「第一次做男一無乜特別感覺，反而半年前知道要演呢個高難度角色，覺得好興奮，係拍劇以嚟做最多功課。（有無睇李佳芯套《智能愛人》？）有，我演嘅機械人比較人性化，同其他AI唔同。」

朱仔又稱在劇中會騷肌，笑指︰「公司唔會對我咁好唔使我除，近年套套劇都要除衫，之前仲裸跑，有晒心理準備。」至於Venus在劇中飾演機械人設計師，一手創造朱仔，並透露二人未有親熱戲份。二人雖首次合作，但大家都熱愛演戲及烹飪，所以有很多話題，很快便熟絡起來。

採訪︰Steven

攝影︰林良明