拍ViuTV《繩角》演鏡仔嫲嫲 馮素波讚楊樂文：好努力增肥

由男團MIRROR隊長楊樂文（Lokman）、副隊長江𤒹生（AK）、成員王智德（Alton）及邱傲然（Tiger）主演的ViuTV劇集《繩角》，將於下周一首播。飾演Lokman嫲嫲的馮素波（波姐）在劇集最新宣傳片中現身，首次與鏡仔合作的她，大讚Lokman十分勤力。

在《繩角》宣傳片中，兩位拳擊手李承東（楊樂文飾）和歐陽駿（江𤒹生飾）在擂台上打到拳拳到肉，飾演Lokman嫲嫲的馮素波是拳賽座上客，她非常擔心孫仔受傷；另一場爭執戲，波姐捉實Lokman衣領說：「嫲嫲驚你有事呀，你以為我會支持你咩！」

波姐接受本報訪問，大談劇中角色：「我係一個愛恨交纏嘅嫲嫲，畀個孫去學拳，但唔准佢比賽，因為擔心佢受傷。」回想首次見到Lokman，波姐說︰「我行入片場，聽到有把聲叫我『嫲嫲』，非常親切，我抬眼一望，有個純真可愛嘅男孩企喺我面前自我介紹。」她大讚Lokman︰「佢好努力去演，努力增肥、練肌肉，我覺得依家嘅年輕人付出唔比我哋少，只係時代唔同，大家嘅努力唔一樣啫！」

唔覺自己打自己

另外，《繩角》在周一至五晚上九時半播映，撞正無綫台慶劇《超能使者》，碰巧兩部劇皆有波姐演出，她說：「《超能使者》係前年拍，《繩角》就今年拍，而且我唔係主角，無話咩自己打自己。」她現時跟無綫簽「一騷」合約，自由度較大，「年紀愈來愈大，都想減少工作量，唔想為咗還騷而忙碌。依家我喺商台一星期主持一次《樂齡王國》，而且多啲時間參與長者服務活動、演唱會等。」

採訪：黃曉妍

撰文：Iris

美術：梁政敏