愛女認不出爸爸爆喊 洪永城狡辯：可能感動落淚

洪永城（Tony）和余曉彤昨日出席「極地同行」記者會，早前離港三個月到內地拍劇的Tony，回港後第一時間親親十個月大的女兒「洪寶寶」，但囡囡卻因認不出爸爸，一度爆喊兼拒絕抱抱，令Tony相當無奈。Tony昨日得戚表示經過連日相處，他跟女兒已經重新連繫感情，「我用食物巴結佢，又同佢換片、沖涼，依家就成日要我抱。」

Tony搞笑稱女兒可能並非因嚇壞而爆喊：「嗰次佢都係喊咗十幾20秒咋嘛，可能見到爸爸返屋企太開心，係感動流淚，佢只係唔識表達啫！」日後會否再出埠三個月工作？他坦白說︰「唔係夠唔夠膽，公司話要去三個月，畀好多錢你，都無得揀啦！」他指現時花費400萬已不足以養育一位小朋友，所以要努力賺錢養家。

採訪︰倪小珊

攝影︰林良明