否認欠債50萬林鈺洧嘆未收冠軍獎金

應屆港姐冠軍林鈺洧（Denice）是非多多，有人爆料指Denice欠下50萬元信用卡卡數，要用港姐獎金還債；爆料者又指其父林俊賢有黑社會背景。昨日Denice接受本報訪問時大方回應，指傳聞令她啼笑皆非︰「報料人唔知有乜嘢居心，佢唔係好了解我，因為我連信用卡都無，何來爭人50萬？（曾經得罪人？）我都唔知係邊個，無乜頭緒，覺得好無聊，全部都係fake news（假新聞）。」

問到爸爸林俊賢可有安慰？Denice說：「我之前有講近排好多呢啲新聞，佢話觀眾眼睛係雪亮，見到我嘅行為同報道咁大反差，觀眾都會信我多啲。（有傳爸爸係黑社會？）吓，戲入面可能係囉，真實我諗唔會喇，可能爆料人睇戲太多。總之我係點嘅人大家會睇到，點會欠50萬卡數？我又唔係年薪好多。（用港姐獎金填數？）獎金我都未收到。」

採訪︰Steven