與8小花拍戲受不了 鄭伊健投訴︰耳膜穿

鄭伊健和周家怡主演的電影《深宵閃避球》昨日上映，講述邊青少女在教練及社工協助下，組成閃避球隊的勵志故事，在戲中飾演「揸流攤」教練的伊健，跟過往充滿男人味的電影大相逕庭；剛踏入55歲的伊健，現實中被八位青春小花視為萬人迷，但他對眾人的熱情完全招架不來，笑住投訴她們七嘴八舌好嘈吵。

鄭伊健日前與女主角周家怡，以及八位年輕演員李靖筠（Gladys）、陳海寧、雲浩影、黃淑蔓、鍾雪瑩、李玗蓁、王頤及宋嘉儀接受訪問。首次跟一大班女生演戲，伊健笑指是開心回憶，「我拍親都係男人戲，今次幾特別，睇落好似笑片，其實好有意思。」隨即投訴一眾女生「吱吱喳喳」令場面失控，「佢哋好兩極，開頭全部唔出聲，個樣好似玄壇咁，熟咗之後就好嘈，耳膜真係會穿㗎！」戲中少有地沒有感情綫，周家怡直言只想專注講運動，不用刻意加入感情綫，又稱被一班年輕女孩感染得人也有活力起來。

電影以閃避球帶出人生總會遇到想閃避的東西，伊健直言遇過，「相信每個人都試過喺人生裏面，突然間想閃避一陣，咁係咪逃避呢？有時人係需要逃避。我最想閃避狗仔隊，因為佢哋成日跟蹤我，唔閃又唔掂，驚會有衝撞。」此外，伊健又指拍攝時經常被小花們為難︰「佢哋啲問題好刁鑽，日日問『我有無瘦到？』，真係唔知點答，點答都死。」

周家怡自稱是乖學生

在戲中分別飾演社工的周家怡與邊青少女的Gladys，回想自己讀書時期都是乖學生。讀女校的周家怡自嘲男仔頭︰「因為無男仔所以粗魯啲，會擘大對腳坐。」而同樣讀女校的Gladys，自爆最曳是帶電話返學和拍拖，「帶電話返學被罰寫悔過書，我寫咗五頁紙，反問點解唔可以帶電話，係有啲反叛。」

周家怡

髮型︰ Vincent Yeung

化粧︰ Herman Ng

服裝︰ Atsuro Tayama

李靖筠

髮型︰Zivyeunghair@leonardo3haircorner

化粧︰ Angel Mok

服裝︰ @sandroparis #sandroparis@purplepr

場地︰灣仔駱克道81號

撰文︰倪小珊

美術︰梁政敏

攝影︰Alma