關心妍每日跑8公里練氣

關心妍（Jade）及陳柏宇（Jason）昨日拍攝香港開電視選秀節目《就是青春》，Jade首度任選秀騷評判，她直言曾獲邀任導師，但因太忙未有答應︰「我個女已經讀小學，所以做兩集玩下，自己都有教唱歌，學生年齡層同參賽者差唔多。」她提點參賽者注意歌藝之外，體能亦非常重要︰「我依家每日都堅持跑八公里練氣，以前去世界各地學唱歌，第一時間都係去健身室，好似濱崎步、BoA，全部都做完運動再唱歌。」

問到可會讓六歲女兒楊榮心玩真人騷，Jade回應︰「大前提先要讀好書，做歌手唔易，要先保障自己。」Jade笑指愛女早前擔任其演唱會嘉賓後便愛上唱歌，何時再踏紅館？她笑言︰「我同個女講，媽咪都等咗十年先可以再上，你再等多十年啦，16歲可能有機會。」同場的導師Jason自言是參賽者的「人肉Google」，盡力助他們解決難題。

攝影︰林良明