許子萱認攞亞軍失望 林鈺洧後悔講性日後慎言

今屆香港小姐三甲前晚誕生，藝人林俊賢女兒林鈺洧（Denice）勇奪冠軍，許子萱和梁超怡則分別奪亞、季軍。Denice當選後被翻舊帳，指她五年前在ViuTV節目《對號入座》上談性，自爆有五位性伴侶。現被封為「性女港姐」，昨日她坦言當時年少無知︰「已經過咗去，相信時間會沖淡一切。嗰次係上咗好寶貴一課，受咗好大教訓；以後講嘢會謹慎小心，未來一年我會履行港姐職責，希望大家可以focus番我嚟緊所做嘅事。」

另外，許子萱獲宣布得亞軍時，當場黑面似不滿賽果。昨日她回應時坦言對賽果感到失望，「不過唔係所有嘢都完美，最珍貴係識到咁多位佳麗，同埋可以同志偉哥、叻哥同台，可以回答到佢哋尖銳嘅問題，係一個好好嘅經歷。」