黎明任港姐表演嘉賓 張光怡許子萱拖手否認不和

《2022香港小姐競選決賽》將於本月25日假紅館舉行，昨日19位候選佳麗以泳裝亮相。早前因有五位佳麗確診，令準決賽取消，昨日亦是中招佳麗歸隊後首會見傳媒，經過一輪特訓後，不少佳麗變瘦，不過大熱的①徐麟卻疑減肥過度，身材未如之前般養眼。

日前盛傳不和的（4）許子萱和（15）張光怡（Chloe），昨日二人全程手拖手以粉碎傳聞。許子萱表示：「傳聞話我哋喺排舞室大吵大鬧，真係無咁嘅事。其實我最初覺得Chloe係醫生又靚女，覺得有距離感，經過呢次傳聞之後，反而令我哋有互相了解嘅機會。」而Chloe則表示純粹誤會：「可能大家喺排練嘅時候講嘢好激烈，有心人以為我哋嘈交，我哋都係好有意見嘅人，只係想做好件事，但當時情緒係無波動嘅。」

14位司儀陣容

另外，（1）徐麟和（8）林鈺洧對比上一次泳裝亮相時，身材明顯有變化，徐麟承認瘦了，因為在隔離期間努力做運動，對被指上圍縮水，她笑言無為意，只希望保持最狀態。而之前穿泳裝現腩的林鈺洧，則明顯變弗。大會統籌經理何小慧指佳麗正接受閉環式訓練，出席活動除了單人拍照外，其餘時間都會戴上口罩。她又透露邀請了黎明擔任表演嘉賓，而大會司儀陣容更多達14人，包括曾志偉、鄭裕玲、陳百祥、鄭丹瑞、錢嘉樂、馮盈盈等。