《黯夜守護者》演陳煒兒子 楊凱博想做張家輝接班人

無綫劇集《黯夜守護者》播出以來反應不俗，劇集起用不少新演員，例如飾演陳煒（煒哥）兒子的演員楊凱博（Nono），與煒哥有不少鬧交及冷戰的場面，表現獲觀眾好評。年僅16歲的Nono演戲經驗豐富，曾演出《乘勝狙擊》、《天命》、《城寨英雄》、《特技人》及《大步走》等劇集，現時兼職做演員和模特兒。

Nono媽媽接受本報訪問，她表示兒子與煒哥的鬧交戲不算難演︰「因為煒哥會教Nono，幫佢入戲。導演同幕後人員都不斷教佢，解釋畀佢聽點做會比較好，叫佢自然啲做番自己。其實佢好幸福、好幸運，有咁多人教佢、畀意見佢。」她指Nono熱愛演戲，亦自知演技仍有待進步。提到兒子明年面對DSE考試，Nono媽媽說︰「暫時佢都兼顧到拍劇同學業。（以演員為目標？）佢好似話想做幕後多啲，如果幕前，佢就希望好似張家輝咁，成為一位出名嘅演員！」