冧玻璃門 ︳炮台山酒店浴室玻璃疑自爆塌下 住客憶驚險過程：沖完涼就冧

疫情下無法外遊，不少港人轉以到酒店「宅度假」（Staycation），一名女網民近日與男友入住位於炮台山的酒店，男友沖涼期間，玻璃趟門突然爆裂塌下，隨即向酒店反映，但批評酒店職員處理手法差，並擔心再有同類事件後果堪虞：「如果係小朋友或者老人家嘅話，後果可能不堪設想。」

同場加映：
管家王︳洗衣機發霉衫褲越洗越污糟 5大洗衫壞習慣必戒

{{hket:ul-video id="6453"}}{{/hket:ul-video}}

一名女網民日前在Facebook群組「香港Staycation酒店交流谷」發文訴說，近日入住一間位於炮台山的酒店，連下午茶及早餐的套票價值千多元。，登記入住時房間正常，但在凌晨約1時，男友洗澡後準備趟開玻璃門出來時，玻璃門突然自爆，

「玻璃門突然冧落嚟，好彩佢及時走到出黎，如果唔係後果真係不堪設想」

事主隨即致電酒店前枱反映，她指前枱職員在確認無人受傷後，曾表示會上樓查看，惟兩人等候一段時間仍未見職員，於是再致電催促。當職員到達後，兩人希望經理親自前來跟進，惟對方指沒有當值經理，

「同佢講咗幾次佢都係話請唔到人上嚟，我都冇嘢好講，跟住佢就將我哋轉上去一間高層啲但係同房型嘅房間畀我哋就冇啦。」

事主不滿處理手法

事主形容換房後仍徹夜難眠，翌日退房前仍然無收到跟進電話，故在辦理退房手續時再向前枱職員追問，經理指酒店已知悉此事，但昨晚人手不足無法處理，令她頓感不滿。她指經理當時反問她想如何處理，事主則表示希望退款，

「講完退款之後，佢話而家回覆唔到我，叫我等電話處理返呢件事，我真係覺得佢哋嘅處理手法好差，我就講點樣都要畀個聯絡方法我，我唔知要等佢哋電話等幾耐，如果佢哋冇人聯絡我，咁件事係咪又當冇咗。」

酒店最終退款處理

事主最後收到電話，酒店方表示會以自助餐作為補償，但她堅持退款，「處理問題嘅方法又咁差我真係唔會想再喺度住」，最終酒店答允要求，事件告一段落。她在文末再提醒，如入涉事酒店必須小心，「我BF（男友）今次好彩可以避得到，如果係小朋友或者老人家嘅話，後果可能不堪設想。」

網民意見兩極

帖文一出不久後已被刪除，但有網民再次發帖討論，有人批評酒店房內設施存在安全問題，不過另邊廂則有人認為玻璃爆裂是住客責任，「其實有少少唔明白，整爛咗酒店嘅嘢唔係應該要賠錢㗎咩？反而仲可以要求退錢……」

床蝨木蝨 ︳住酒店Staycation惹一身蝨蟲回家 住客遭咬至紅腫：屋企張床都有【附DE粉滅蝨貼士】，詳情即睇【下一頁】

爆玻璃 ︳民宿浴室玻璃門爆裂變利刀 女童全身割傷縫10多針，詳情即睇【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】