開工有「食神」 高海寧跟蔡瀾食萬元貴魚

藝人有飯盒代表有工開，平時都是食飯盒居多，亦會因拍攝而有機會遇上「食神」﹗就如高海寧（高Ling）曾拍攝飲食節目，而食過人生最貴的一條魚；相反好拍檔張振朗最難忘，竟然是狂食雞肉的悽慘經歷。有喜有悲，都是一試難忘！

高海寧一講開工的難忘食經，立即想起多年前，跟食家蔡瀾到馬來西亞拍攝飲食節目，蔡生帶隊到當地一間餐館，品嘗一道價值過萬港元的名菜「忘不了」，原來是一條非常嫩滑及高油脂的魚。高Ling表示︰「呢種魚係逆流而上，跳起食樹上果子，所以肉質特別滑溜、有濃郁魚油仲要有果子味，條魚好貴成幾萬蚊一條，食完真係『忘不了』！」這亦是高Ling人生吃過最貴的一條魚。

高Ling又分享一次開工食到嘔的慘況︰「有次同森美、黃心穎去日本拍攝節目，一落機就去食勁辣拉麵，我自問食得辣，點知用咗墨西哥一種勁辣嘅辣椒，食完之後胃痛到嘔，好辛苦！」

張振朗見到雞肉都驚

張振朗年前拍攝劇集《拳王》，為了操出爆肌身形，努力健身及控制飲食。一講到難忘食經，他只想起那段時期的苦況︰「嗰時為咗角色健身，用咗一年時間去操，健身期間要狂食雞肉，每日食成1kg，維持咗一年，最後半年仲將雞肉打碎變水去『飲』。」振朗不諱言︰「之後見到雞肉都驚，怕咗！好長一段時間都只食牛同豬！」雖然辛苦，但成功練出一身發達的肌肉，相當值得！振朗笑言︰「有時覺得『食』唔係滿足個胃同口味，而係為達到目的。」

茹素盧慧敏食叉燒飯

模特兒盧慧敏（Amy）是一名素食者，分享一次「開工飯」的難忘經歷。Amy表示有次拍攝廣告，工作人員為她預備了一碗美味的叉燒飯，Amy奇怪工作人員都明知她茹素，竟然買叉燒飯給她。她笑言︰「嗰時我連續兩日長時間拍攝，幾乎未停過，筋疲力盡，嗰一刻見到碗叉燒飯真係雙眼發光。」但她不想破戒，工作人員解釋原來是素叉燒，着她放心食。Amy說︰「我見到嚿叉燒色澤好靚，竟然同真叉燒一樣咁香，令我即刻諗到電影《食神》入面碗『黯然銷魂飯』。當我食完飯之後成個人都好開心，好滿足，呢碗飯對我好有意義，喺完成工作後，畫上一個完美句號。」

採訪︰Pauline

美術︰梁政敏