陳曉東預告個唱着性感戰衣

陳曉東（東東）、陳柏宇及陳明憙昨日錄影《勁歌金曲》，東東剛度過47歲生日，他笑言收到兩名女兒拍片賀壽，至於生日禮物，他笑說：「（女兒）考好啲試就好，我都會掛住囡囡，但做嘢時做嘢，我都唔畀佢哋嚟睇我開騷，因為開咗學要專注學業。」提到下月舉行的戶外個唱，東東預告造型十分奇特：「啲衫開騷前至會畀我睇，唔會好厚，但啲料摸上手好sexy，怕入秋會凍死我。」

同場的陳柏宇大爆女兒陳羿辰（Abigail）有公主癌︰「今日（昨日）先『炳』完佢一鑊，有時佢扭好多計，公主癌發作就要制止。」提到近日疫情升溫，他說：「已經無乜留意疫情，但防疫措施照做。（叮囑囡囡返學小心？）唔通要着嗰啲防疫衫返學？佢都照參與課外活動，無得驚！」

採訪︰Steven

攝影︰林良明