嚴管女兒網上交友 郭羡妮禁10歲女開社交平台

郭羡妮（Sonija）昨日出席一間專為自閉症兒童而設的學校的開幕禮，身為關注自閉症學童大使的她，表示曾經以為女兒Kylie（朱家愛）有過度活躍症，「因為囡囡細個時同正常小朋友唔同，特別抗拒吸塵機聲，嫌太嘈接受唔到，但學習方面就無問題。」

提到十歲女兒，Sonija表示剛過去的暑假不用陪女兒︰「個女已經有自己嘅社交圈子，佢會喺網上跟同學一齊玩，又會喺網度識朋友，我成日提佢唔好識陌生男仔，佢會將新認識朋友嘅帳戶畀我過目。」Sonija又稱女兒年紀還小，不會讓她開設社交平台。她又指女兒會主動跟她傾心事，視她如閨密，亦會邀請同學回家玩，令Sonija放心。採訪︰Pauline