43歲官恩娜與老公慶拍拖13周年 大頭冇濾鏡似廿歲網民封神

剛踏入43歲、已為兩子女之母嘅官恩娜（Ella），雖然已經淡出咗娛圈多年，但大家都好留意佢嘅近況，而佢都不時會喺自己嘅社交平台曬靚相，日前係佢同法籍老公嘅結婚周年紀念，Ella悉心打扮同老公去慶祝，唔少網民都大讚佢keep得好，淡出真係非常可惜！

同場加映：好聲好戲丨蘇韻姿隻身來港下苦功甩鬼妹口音 自責未能陪伴媽媽：我情願佢鬧我

{{hket:ul-video id="6463"}}{{/hket:ul-video}}

官恩娜2015年同法籍老公結婚，先後誕下一子一女，之後就淡出娛樂圈做全職媽咪，但身材同樣貌都依然保養得好好，少女感十足！早前佢趁生日外遊法國，上載兩張照片，其中一張以一身綠色貼身上衣，配搭短褲、拖鞋和草帽，低胸露腰同時曬出一雙長腿；而另一張相則站在沙灘上拍攝，留言：「20多歲時我很喜歡曬黑，現在40多歲我會盡量避免曬黑。可是法國的夏日陽光實在太強烈，我已不知道我是怎麼曬黑的。」Ella一身小麥色肌膚，見到佢弗到同初出道時嘅身材一樣，真係令人羨慕。

{{hket:inline-image name="d12f00d70696641714a3554a956c133b.jpg"}}{{/hket:inline-image}}

唔少網民都嫌張相太遠，睇唔到Ella靚樣，日前佢同老公慶祝同年紀念，大派福利分享自己大頭照，相中嘅佢只係化淡妝，但皮膚非常好，少女感十足，唔少網民都話佢淡出非常可惜。

其實Ella經常同子女去戶外活動，如游水、行山，平時亦喜歡與好友鄭麗莎踩單車，難怪身形都零走樣！官恩娜結婚七年與中法混血醫生老公非常恩愛，感激並大讚這位完美老公一直陪伴身邊。據知當年二人經speed dating而結下良緣，經過多年相處後，終能拉埋天窗，而且據知老公本身都家底豐厚，官恩娜可以專心照顧子女，無後顧之憂。