太太陪返港 陳曉東10月開騷大唱廣東歌

下月3日47歲生日的陳曉東，昨日到新城電台接受訪問，談及生日願望，東東表示希望十月在西九舉行的戶外演唱會能順利舉行。他透露正在灌錄新歌，會努力做廣東歌，希望開騷可以唱給樂迷聽。

東東指今趟獲太太陪同返港，會逗留一段時間，他說︰「我都好耐無喺香港，所以趁今次開show起碼都留到十月底，今次有太太陪我，一對小朋友就留喺北京由我媽咪照顧，其實我都好耐無見佢哋，（小朋友已習慣見唔到你？）佢哋都習慣嘅，依家兩個小朋友一個八歲、一個七歲，（會唔會再生第三個？）睇隔籬嗰個（指太太）應該唔想啦，佢成功修身都唔想肥番。」

採訪、攝影︰Pauline