產後復出 何雁詩爆鄭俊弘急追B女

剛於六月生B的何雁詩（Stephanie）昨日復工，到馬鞍山出席活動搵真銀。產後的Stephanie極速回復窈窕身形，她透露懷孕時只重了17磅，加上產前產後也有做運動，所以不難減磅。她坦言十分掛念兒子Asher，老公鄭俊弘則在家中湊B。她說：「初時諗住生B後想有獨處時光，但太掛住BB，因為佢依家識笑，開工嗰陣有時間都要睇Asher啲片。我估唔到老公湊得好好，幫BB沖涼換片都好專業，我就負責餵奶，同埋幫BB挖鼻屎。」

會否再追多個？Stephanie表示產後一個月，老公已追問何時生第二胎︰「佢好快問我幾時生，但自己想唞下先。（老公想追女兒？）佢之前有提過，慢慢，暫時都係計劃生兩個先。」她大讚Asher旺爸爸︰「BB出世後，老公多咗好多搵錢工作，之前拍劇集《輕功》做咗台慶劇，依家佢又同馬德鐘拍《再見‧枕邊人》。（無時間造人？）抽到時間嘅，睇心情啦！」

採訪︰Steven

攝影︰林良明