《明日戰記》首映 劉嘉玲鼓勵古天樂追夢

科幻片《明日戰記》前晚舉行慈善首映禮，古天樂（古仔）、劉青雲及劉嘉玲等出席。身為總監製兼主演的古仔在台上表示︰「拍科幻片好難，需要好多時間同金錢，但一定要做一次。」嘉玲則說︰「喺尋夢嘅路上好孤獨，但都要繼續堅持夢想，我好欣賞、好感動古仔出錢又出力。喺嘗試嘅路上雖然好辛苦，可能暫時得唔到大眾認同，但唔好忘記夢想，只要一直行落去，付出嘅努力大家一定會睇到，希望古仔繼續堅持同支持落去，我會一直喺你（古仔）身邊。」

提到《明》片的優先場票房成績不俗，古仔大表開心，更稱電影是「自己個仔」。他說︰「雖然拍攝過程好辛苦，但最後呢個仔都見到大家，覺得好欣慰。其實我無預計過票房有幾多，盡咗力就得。」至於青雲就表示︰「之前對科幻片嘅概念，覺得就係着一件綠色嘅緊身衣，身上面一點點好似『天線得得B』咁；但原來唔只對布景演戲，同平時拍戲其實無分別。」

採訪︰Pauline

攝影︰林良明