一起走過︳梁珊初入無綫做主角惹閒言嘲諷 花名「降落傘」仲勁過汪阿姐？

現年77歲的資深藝人梁珊近年較少參與電視劇及電影，改為專注舞台劇演出，不過提起她昔日的作品，自不然對其有深刻印象，包括1979年跟阿姐汪明荃及Do姐鄭裕玲合演《天虹》，及鄭少秋版本《楚留香》內飾演石觀音，1985年《新紮師兄續集》曾華倩媽媽的角色等。梁珊這次接受港台《一起走過》主持人楊紹鴻、文頌嫻訪問，分享入行娛樂圈多年的經歷。

{{hket:inline-image name="08231002.jpg"}}{{/hket:inline-image}}

{{hket:inline-image name="22_600.jpg"}}{{/hket:inline-image}}

同場加映：痞子殿下｜周嘉洛朱敏瀚男扮女拍檔嗌難頂 楊證樺自薦演黑猩猩獲讚敬業

{{hket:ul-video id="6397"}}{{/hket:ul-video}}

梁珊在行內有個花名「降落傘」，文頌嫻笑指「傘」大過「遮」，即是代表梁珊是「大姐大」，楊紹鴻補充表示：「知道電視圈阿姐（汪明荃）已經好大啦，佢仲大過阿姐，所以叫佢做『降落傘』。」梁珊謙虛否認：「咁樣講法，我背脊都唔知有幾多支箭？（知道這個花名？）係苗僑偉改，同佢拍古裝片（1984年《楚留香之蝙蝠傳奇》）時候佢係咁噏，我就唔敢認，佢哋話最大把遮係咩遮？我話我係Fruit Punch嗰把，佢就話唔係。」雖然口口聲不敢認這個花名，梁珊之後聲稱對此冇同意過亦冇反對過。

【御用惡女】梁珊《天龍八部》刀白鳳成經典 「我有戲癮 歡迎搵我拍劇」【下一頁】

梁珊早年以拍電影為主，不單止做演戲方面，就連場記、副導演同剪接工作也有去學，可惜公司減產再無工作，後來獲邀簽約成為TVB藝員。至於多才多藝加盟電視台，有否態度很囂張？梁珊說：「我好寸咩？（因此有花名降落傘？）係佢哋噏之嘛…，我又冇同意，不過我又冇反對，咁未算囉，同人拗咩啫？（既巴閉又威過阿姐？）千祈唔好講呢句嘢，講呢句嘢又得罪人。（初入電視台拍劇有否不慣？）第一部拍李添勝監製嘅《天虹》，講三個女人，有阿姐，Do姐同我三個，都要啲時間適應，最好笑慣咗拍電影有個導演喺鏡頭前同你講對白，拍電視劇只係聽到把聲唔知喺邊，導演原來喺Panel房，嗰時都未知咩叫Panel，覺得自己幾烏龍。（有冇說話聽？）梗係有，嗰啲人對眼哨過嚟，『有冇搞錯呀，嚟到就霸住主角嚟做，呢啲嘢都唔識？』擺出呢啲表情。（有冇畀阿姐寸？）佢真係冇寸過我，仲請過我飲茶，我都覺得奇怪，點解阿姐請我飲茶，佢都幾畀面我。」

一起走過｜張國強當年入《430》被杜琪峯鬧 見證梁朝偉成為TVB一線小生【下一頁】

提到1985年的劇集《新紮師兄續集》，戲中梁珊飾演吳孟達的老婆，是戚美珍及曾華倩兩姊妹的媽媽，她說：「呢個戲激嬲好多學生、男仔，因為佢哋想做劇入面嘅梁朝偉，但我阻住曾華倩同佢喺埋一齊，所以好憎我㗎，個個同我講『Auntie Leung你真係好衰』。」

（↓點擊放大睇圖片↓）

梁珊可謂保養得宜，外形不似年近80之齡，她笑說：「我冇掩藏過歲數，平日有做瑜伽，而家仲有跳印度舞。大家做吓運動就冇事，佢哋話我有意識地忘記一啲嘢，有啲嘢唔鍾意就唔記，今日鬧咗我、聽日就唔記得，有啲嘢記嚟仲咩呢？我唔鍾意回憶，回憶當然有好嘅，但終歸有啲嘢唔滿意，前面仲有嘢做，點解唔做好前面啲嘢。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】