一起走過｜影后鮑起靜亞視拍劇曾經喊唔出 早期拒過檔無綫造成人生遺憾

金像影后鮑起靜來自演藝世家，爸爸鮑方是資深演員兼導演，媽媽劉甦是知名話劇演員，弟弟鮑德熹曾奪奧斯卡攝影獎，而老公方平亦是演員兼導演。鮑姐今次接受《一起走過》主持楊紹鴻、文頌嫻訪問，分享入行逾50年的點滴，當中最爆是在亞視拍劇年代，身為好戲之人的她被一場戲考起，竟然對住鏡頭喊唔出。

{{hket:inline-image name="annie_manchunghan.jpg"}}{{/hket:inline-image}}

{{hket:inline-image name="06211007.jpg"}}{{/hket:inline-image}}

同場加映：黃建東認被搞笑之路選中型不起 反獲友人鼓勵：話唔定係下個黎耀祥

{{hket:ul-video id="5980"}}{{/hket:ul-video}}

鮑姐當年進入電影圈發展，全因父母是電影人的關係，但童星年代不太順利，她表示︰「我細細個時就聽叔叔阿姨講，『你將來一定要嚟做演員』，自細就被薰陶，覺得自己會做戲。（遺傳咗爸爸演戲細胞？）真係好可惜，我細細個時爸爸話『大鑊嘞，雖然叔叔阿姨叫你做戲，但原來你一啲演戲細胞都冇』。好記得朱石麟大導演有齣話劇《大馬戲團》，需要一個6、7歲細路仔，要被團長虐待同喊，我當時乜都唔識就畀人推上舞台……我係完全唔識做戲！要我出場嗰陣，有個阿姨真係用條鞭打我！出場表演時先至喊到，真係次次出場都要咁樣（打）！」

《一起走過》第三輯丨楊紹鴻孖文頌嫻細談藝人起跌 曾邀MIRROR 2子：檔期就唔到【下一頁】

至於爸爸鮑方是否有親授演戲心得？鮑姐說：「佢講過演戲冇得教，係一種個人生活嘅體驗，然之後睇你點演繹出嚟。我其實真心要多謝亞視，唔計初時主持婦女節目，拍《大地恩情》（1980年，麗的電視鄉土劇）時講對白都騰騰震，慢慢先適應到電視劇嘅三機（攝影機）製作模式，因為以前電影係一個一個鏡頭拍攝。（點解轉投電視圈？）嗰時認為女人30歲係好老㗎嘞，而家就唔會咁諗，以前覺得係一個轉變時期，會想結婚生小朋友，個心有啲想退落嚟，好似唔再視演戲為事業，好自然就轉去電視圈。」

TVB大寶藏｜鮑起靜30歲索爆潮look網上重現 網民勁讚靚女：似楊恭如【下一頁】

鮑姐演繹喊戲十分拿手，她自爆拍亞視劇曾失手，「拍過一齣劇係喊唔出，自己都覺得好好笑，叫《媽媽我真的愛你》（2004年），劇情講老公唔要我，我唔係因為對手而喊唔出……然之後自己就知道，原來我最豐富嘅感情抒發係對我嘅女，或者我嘅家人、爸爸、父母，但如果老公拋棄我嗰種，會好堅強去面對……所以點都喊唔出。最親嘅人係老公同女，當然好錫我個女，不過而家問我，要最錫都係老公，因為大家年紀都大，要互相扶持呢個最後階段。同女婿講，『阿女交畀你』，代替我哋去錫佢。」

（↓點擊放大睇圖片↓）

鮑姐在亞視劇集《再見艷陽天》內，飾演潑辣的細奶奶「花豔霞」，身為該劇監製的楊紹鴻大讚她演技精湛，力撐當年應該獲得亞視台慶頒獎禮的「最佳女配角」殊榮，可是獎項由同劇的李香琴捧走，鮑姐認為琴姐實至名歸，「千祈唔好講有黑幕，自己就係咁理解，所有嘅獎項作為公司嘅一種榮譽，一種標誌，第一次搞頒獎禮梗係要好好睇睇啦，要好有份量嘅人去攞呢個獎，琴姐係實至名歸。（嗰陣有冇考慮過檔TVB？）佢哋喺好早期、我啱啱入電視台時有搵過，唔知係咪拍完《大地恩情》，嗰陣有人講好多TVB嘅嘢畀我聽，令我更加覺得自己好適合喺亞視生存。（但爸爸當年效力係TVB）係，其實都係一個遺憾，如果我過咗去，就可以同爸爸合作，我哋一生人只係合作過電影《屈原》，從此冇再合作過。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】