一起走過｜謝君豪曾做豐胸膏推銷員搵唔到食 首次考演藝被鍾景輝「叮走」

現年59歲的謝君豪憑舞台劇《南海十三郎》爆紅，該劇的電影版令他獲得1997年的金馬影帝，往後拍過不少電影及電視，而今年更憑《濁水漂流》內「老爺」一角，入圍角逐金像獎最佳男配角。這日謝君豪接受港台《一起走過》主持人楊紹鴻、文頌嫻訪問，分享入行前後一些經歷，如何考入演藝學院，及對南海十三郎這個代表作角色的個人睇法等。

{{hket:inline-image name="07111001.jpg"}}{{/hket:inline-image}}

{{hket:inline-image name="1024_5ff3f203a0a77cff1b00d43008287cbasaasftp20200221.jpg"}}{{/hket:inline-image}}

同場加映：吳君如Edan挑戰破億票房 ERROR燈牌越來越大：做壞規矩

{{hket:ul-video id="6115"}}{{/hket:ul-video}}

謝君豪中學畢業後曾參加業餘劇社，因為太喜歡做舞台劇，未有去投考電視台藝訓班，期間一度當上推銷員，推銷化妝品及豐胸膏，「嗰時因為我畢業後好想做戲，演藝學院又未成立，人浮於事又冇途徑入行，於是參加業餘劇社。（何不參加電視台藝訓班？）冇，因為鍾意舞台演出，所以先參加業餘劇社，去藝術中心跟前輩去做啲後面起哄嘅配角。加上點都要搵啲嘢做住先。其實最初唔係賣豐胸膏，公司只係賣化妝品，都無乜點解嘅，咁佢請你、有人工咪做囉。（如何推銷產品？）基本上攞住貨辦去商場碰運氣，搵細間嘅美容院推銷，問人哋有冇興趣試吓用，行咗成個月先賣到一支唇膏；之後老細話新出咗一樣嘢，就係豐胸膏。」

家族糾紛｜劉雅麗被母親話衰多口提劉德華 包曉華親述已交出7萬幾帛金【下一頁】

他表示當年不知道豐胸膏的使用方法，所以未試過成功賣出，「老細話豐胸膏係佢哋皇牌產品，可能嗰時中學畢業又好老實，真係正正經經去推銷要問人，要問老細點樣用法，即係我唔鍾意做嘅嘢就唔會認真做，我有誠意就會做到盡，後生仔要試過先知自己鍾意咩，後尾演藝學院成立就去報考。」

《一起走過》訪問｜樊亦敏當年為羅兆輝拒吳京追求？ 「做朋友唔會理佢係有錢定冇錢」【下一頁】

不過謝君豪並不是一次就成功考進演藝學院，第一次落選後在已故著名演員何偉龍指導下，第二次面試才成功獲取錄。謝君豪說：「第一次失敗因為選錯劇目，評審係King Sir（鍾景輝）、毛Sir（毛俊輝）等，我考唔到覺得係懷才不遇，認為自己有啲天分，諗住會令老師留下深刻印象。第二年考咗入去問King Sir，點解第一年唔收我，佢答我『你第一年考過咩？』，哈哈，可能好多學生呢！」他解釋第二年事前請教過何偉龍，獲提議演《莫札特之死》其中一段對白戲，出場就好大聲喝問點解，結果成功吸引所有老師，獲得演藝取錄為學生。

（↓點擊放大睇圖片↓）

提到其代表作《南海十三郎》，已演出多場舞台劇的謝君豪透露每次會隨心態轉變略作改變，觀眾或會留意到，「我最早喺20幾歲、30歲做呢個角色，集中角色喺懷才不遇、恃才傲物、性格狂放嘅戲劇性人生，而家做會轉第二個方向，有啲處理會唔同。舉例最早期結尾時十三郎唱段南音，佢好執著副眼鏡，因為最鍾意嘅女仔讚佢戴眼鏡好睇，死時跌咗都要執返起，戴返好先至離開人世；到近年就改咗唔係一路行一路跌嘢落地，係將啲嘢慢慢放低，最後一刻慢慢除低眼鏡，發覺唔用眼鏡都可以望清呢個世界，最後一刻係坦然面對，最後執著嘅眼鏡都可以唔要。因為我而家睇十三郎唔同，先有咁嘅改變，觀眾睇到就睇到，睇唔到就睇唔到，有啲觀眾會睇到唔同……但其實咁先過癮，角色有得鑽研先好玩。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】