自製開胃小食 涼拌麻油海蜇

夏日炎炎，最適合吃碟開胃惹味的涼拌海蜇。以往想吃海蜇的話，可以到中菜館點一碟，或是買現成已調好味的包裝版，但其實自家製亦是非常簡單。這次中菜行政總廚會教大家製作一道香菜麻油海蜇，為大家驅驅悶熱之氣。

在燒味或滷水拼盤中，通常也會找到海蜇的蹤影，其口感彈牙爽脆，涼拌後惹味無窮。海蜇其實是可食用的水母一種，多分布在熱帶、亞熱帶及溫帶沿海區域。萬麗海景酒店中菜廳滿福樓行政總廚孫錦勝師傅這次就會由海蜇皮開始，教大家製作涼拌海蜇。

「海蜇皮可在南貨店買到，即是賣金華火腿、大閘蟹等店舖。中國有出產，如南方的湛江，但通常以浙江省的出品最佳。」因為海蜇皮是新鮮海產，會以海鹽醃製保鮮，買回家後要提前用水洗乾淨，再切絲汆水。

調味後要盡快食用

「切時可將海蜇皮捲成一條，會更容易切成絲。汆水必定要用大滾水，灼至海蜇鬈曲後便要立即撈起，可能是幾秒間的事，否則會太韌。撈起後再以室溫水啤至脹身，直至變回之前的粗度，為之完成。」

孫師傅提醒，調味後的海蜇應盡快食用，最多只可放一天，因為放得太久的話海蜇的水份會流失，令口感變韌及變壞。除海蜇外，亦可選用海蜇頭，做法一樣，但因海蜇頭較厚身及大塊，啤水時間會較長，調味後亦可醃15至20分鐘，令海蜇頭更入味。