為MV節食1個月 陳健安曬肌勁吸睛

相隔一年多，陳健安（On仔）再推出獨唱單曲《創作者的派對》，曲風輕快，部分歌詞更快如急口令；MV又加入外星人動畫，連歌詞字幕亦是On仔親手繪畫，以符號代替，玩味十足。On仔解釋︰「『創作』係咩一回事呢？有人會認為係天馬行空，但我覺得唔係無中生有，而係有信息…想藉住呢首歌提醒自己，同話畀大家聽，每個人都係創作者。喺無得選擇嘅時候，就創作一個選擇畀自己！」

在MV中赤膊上陣的On仔，事前操肌逾百次，並節食近一個月，埋位前仍爭取時間做sit up和掌上壓。他說︰「好期待之後可以食朱古力、雪糕同pizza！之前因為MV節食，唔准fans送食物，依家終於拍完，可以放肆一下啦！」