陳庭欣憂被鸚鵡「刁」 李佳芯配音出師不利

李佳芯（Ali）前晚出席無綫配音節目《好聲好戲》淘汰賽，與黃庭鋒攜手聲演《男親女愛》中鄭裕玲（Do姐）和黃子華的角色。不過Ali大呻因痰上頸致演出失準，「我平時會食八仙果、喉糖開聲，但今日（前日）趕住出門口，無帶熱水出街，喺台上一開聲就起痰，所以做唔到Do姐嗰種霸氣同威嚴，好可惜。（想做霸氣角色？）想呀，但我把聲有啲『奀』，想透過今次節目訓練自己。」

至於陳庭欣（Toby）和黃俊豪則穿上古裝，合作聲演佘詩曼和陳豪在《公主嫁到》中的其中一幕。Toby透露至少翻看該幕鏡頭過百次，但她直言配音與平時替《東張西望》錄音是兩回事，「我仲叫咗黃俊豪去我屋企一齊練，知佢唔識用聲，仲煲湯畀佢飲。（男友呷醋？）佢掛住打機無理我哋，淨係話OK，反而我隻鸚鵡聽咗幾次，開始學我講『刁民』、『刁婦』，希望佢之後唔好刁我。」

採訪︰倪小珊