首拍電影 MC張天賦唔怕再傳緋聞

葛民輝（阿葛）、MC張天賦、凌文龍及新人黃曦誼（Candy）等昨日到九龍塘出席電影《夜校》開鏡禮，首次拍電影的MC表示已開工四日，在戲中與凌文龍是好兄弟，亦與Candy有感情綫，但未知有沒有親熱戲。MC曾多次被拍到與女生逛超市，今次可擔心跟Candy傳緋聞？他笑言︰「唔緊要，有緋聞都係好事，已經習慣咗，睇開咗喇。（唔再去超市？）呢個身份去邊都去唔到，或者一班人去囉！（避忌？）唔關事，人哋要講都避唔到，做番自己就夠。」

至於阿葛在戲中飾演公子哥兒，他形容角色「人唔似人，鬼唔似鬼」︰「我都唔知點解個粧化到咁白，每次埋位都有專人服侍，簡直天王級享受。」但他笑罵導演大整蠱，要他在炎炎夏日穿上三件頭西裝，幾乎濕到落褲檔。

採訪︰Pauline