2部電影同時上映 張兆輝唔怕自己打自己

身在內地的張兆輝，本月將有兩部主演電影上映，分別是《被消失的凶案》和《一樣的天空》。他直言不擔心自己打自己︰「咁啱啫！等咗咁耐，疫情大家都好想去舒展下、睇下戲，能夠有咁多好戲上亦好難得，畀多幾套我一齊打都得。」

其中《被》片的故事藍本源自83年的「土瓜灣道水箱藏屍案」，而張兆輝獲導演羅守耀欽點，飾演警察調查這宗懸案。張兆輝表示︰「同羅生合作過好多次，佢非常了解我可以畀到乜嘢佢…最深刻嗰場戲係我被律政司審問，78頁紙喺室內拍咗五、六日，啲燈一直着住，拍到天黑都唔知，有時仲要即時改劇本，圍讀嘅時候好似考會考咁，哈哈！」