藍奕邦煲愛心湯慰勞張敬軒

張敬軒（軒仔）前晚邀得藍奕邦（邦邦）及岑寧兒（YoYo）任演唱會嘉賓，軒仔表示在第五波疫情時，經常聽YoYo的歌洗滌心靈，他大讚YoYo擁有Hi-Fi級靚聲，又自言如小fans般聽對方唱歌。YoYo聞言開心又怕醜，她說︰「我想送個無形禮物畀你，多謝你堅持喺疫情下開騷，因為『相聚』係一份好好嘅禮物，我送個擁抱畀你。」軒仔即「回禮」︰「我想送番份無形禮物畀你，只要一日仲係我揸住AVON錄音室，我贊助你所有錄音！」令YoYo受寵若驚。

另外，軒仔與相識廿載的老友邦邦合唱，原來這是邦邦入行以來首次做演唱會嘉賓，他本來親自煲靚湯帶上台送給軒仔，但因二人傾得太開心，竟然忘記送禮；邦邦惟有等完騷，在後台補送給軒仔。而邦邦更特意買了一個粉色暖壺，配襯自己的舞台服裝，超級有心思。軒仔開心說︰「嘩，好嘢，返去有靚湯飲，真係開心！」