小美丁父憂 郭富城現身致祭

郭富城（城城）經理人小美（梁美薇）的父親梁桂榮上月離世，小美昨日為亡父在香港殯儀館設靈。喪禮以道教形式進行，今晨舉殯，靈柩將奉移至柴灣歌連臣角火葬場火化。與小美合作無間的城城，攜同太太方媛及兩位女兒到場，楊受成、何麗全等亦有現身致祭；而古巨基夫婦、張智霖與太太袁詠儀及黎瑞恩等送上花牌。小美傍晚強忍傷痛，步出靈堂受訪，「爸爸計埋天地人有100歲，係一個世紀嘅人生，好光榮。」

小美指父親是安詳離世，但憶述爸爸的離開事出突然︰「上月25號早上唔清醒，跟住入咗急症室，經搶救晚上醫院通知爸爸情況唔理想，佢哋更通融我哋三姊妹睇到爸爸最後一秒，因為疫情都要朋友幫手搞喪禮。」至於父親可有心願未了？小美回應︰「佢嘅心願已經達成，生前除咗叫我努力做人，又睇到家姐嘅仔女大學畢業，加拿大嘅孫同親戚都完成隔離，趕到出席喪禮。」