6月開紅館騷 關心妍助女兒上台打觔斗圓夢

關心妍（Jade）下月初舉行兩場紅館個唱，由於騷期逼近，心情難免緊張，她表示︰「因為時間唔多，所以綵排都唔係好多次，惟有次次排練都當開騷咁做。」而Jade的五歲囡囡楊榮心亦有望上台表演，Jade說︰「我搵朋友借咗啲瑜伽墊，咁就可以完成佢上台打觔斗嘅夢想。」

另外，雖然近日疫情緩和，但Jade仍不敢掉以輕心，「因為我哋要對觀眾負責，依家真係好驚自己病，所以都謝絕晒所有探班、打氣。而老公每日都會喺我去嘅地方消毒、擺晒消毒機，佢係呢個騷嘅衞生組組長，所以有佢喺度我都好放心。」