重溫《勁歌》攞錯獎片段 關心妍爆囡囡睇到喊

關心妍（Jade）近日接受港台《舊日的足跡》訪問，大談入行20年以來走過的高山低俗。Jade特別感謝關媽媽、前老闆羅傑承及丈夫楊長智，「媽媽喺我面臨失業時無收我家用，好支持我；第二位要多謝嘅係我第一個老闆羅傑承，因為無佢就無關心妍。第三位要多謝嘅，當然係我老公，佢改變咗我好多對婚姻同愛嘅睇法。我以前無父愛，唔明乜嘢叫被愛，我（個性）好強，但因為老公嘅無微不至，令我變得小鳥依人。」

Jade亦重提在《勁歌》頒獎禮上「攞錯獎」一事，她指五歲女兒心心有次看見當時的錄影片段，竟喊得淒涼，問為何他人要批評媽媽。Jade說：「我安慰囡囡要堅強，堅強先可以面對逆境，所以我依家要唱一啲有意思嘅歌，唔係為咗攞獎。」