開戶外騷孖老婆合唱 6號@RubberBand疑未拉褲鍊

樂隊RubberBand與香港節慶管弦樂團前晚舉行最後一場「Live by the Harbour」戶外音樂會，因第五波疫情影響，音樂會延期了四個多月，主音繆浩昌（6號）回想道︰「呢幾晚我哋終於齊齊整整返到呢度，雖然戴住口罩，但我感覺到你哋嘅眼神，係有一種堅定要返嚟呢度…呢種等待唔容易，多謝你哋無退票，亦無放棄我哋。」音樂會期間，導演在耳機提醒6號疑似未拉好褲鍊，他即背向台檢查，幸只是虛驚一場。及後6號邀請太太Tim Lui任嘉賓，合唱《Slow & Easy》，掀起高潮。

RubberBand完騷後接受訪問，提到6號疑似「火車未到站」，他重申絕無此事，隊友李兆偉（阿偉）亦護航說︰「其實十年前我哋有個酒吧騷，當時阿正（結他手馮庭正）就真係無拉褲鍊。」另外，問四子的另一半有否到場支持？黎萬宏（泥鯭）意會到是指其緋聞女友黃心穎，即打趣道︰「我下半身有嚟。」

攝影︰林良明